Bu şəxslərə ictimai nəqliyyatda yer vermək məcburidir – VİDEO

İctimai nəqliyyatda yer vermək hüquqi bir məcburiyyət olmasa da, cəmiyyətdə böyük hörmət, mədəniyyət və etika nümunəsi hesab olunur.

İctimai nəqliyyatda kimə yer vermək məcburidir?

Bizim.Media “oxu.az”a istinadən xəbər verir ki, Bakı metropolitenindən istifadə qaydalarına görə, qatarda sərnişinlər əlilliyi olan şəxslərə, qocalara, hamilə qadınlara və uşaqlı sərnişinlərə oturmağa yer verməlidirlər. Yəni metroda bu, birbaşa sərnişinin vəzifəsi kimi göstərilib.

Hətta bu kateqoriyalara aid sərnişinlər onlar üçün nəzərdə tutulmuş xüsusi yerlərin digər sərnişinlər tərəfindən boşaldılmasını tələb edə bilərlər.

Bəs avtobusda?

Şəhərdaxili avtobuslarda məktəbəqədər yaşlı uşağı olan sərnişinlər, hamilə qadınlar, əlilliyi olan şəxslər və ahıllar üçün xüsusi oturacaqlar nəzərdə tutulur. Qaydalara əsasən, sərnişin həmin yerləri onların tələbi ilə boşaltmalıdır.

Bizim.Media