Amerikada mühacirətdə olan eks-spiker İraqda yaşanan son proseslərdə Türkiyə və İranın niyyətləri barədə Moderator.az-ın sualını cavablandırıb:
“Birinci Dünya Müharibəsindən sonra dağılmış
Osmanlı İmperiyasının ərazilərində müstəqil dövlətlərin yaradılması Böyük
Britaniyaya həvalə olundu.İngilislərin Yaxın Şərqdə yaşayan millətlərin adət- ənənələri,dini
mənsubiyyətlərini nəzərə almadan yaratdıqları iki dövlət -İraq və Fələstin
indiyə qədər artıq 100 ildir həm özləri, həm də qonşuları üçün böyük problemlər
yaratmaqda davam edir.Xüsusilə İraqda bu günə qədər ildə 100 minlərlə adam
terror, lokal müharibələrlə həlak olur. Osmanlı İmperiyası İraqı bir neçə vilayətə bölmüşdü , onların hər biri avtonom rejimdə yaşayırdı, problem yox idi. İraq vahid dövlət
élan ediləndən 10-larla baş nazir edam edilib və bir o qədər də dövlət çevrilişləri olub. ABŞ
İraqı işğal edəndən sonra onun dövlət strukturasını dəyişməli, şiələr kürdlər və sünnilərə geniş muxtariyyət
verməli idi.Təəssüf ki,
İraqın indiki şiə höküməti İranın təsiri altında bir çox məsələlərdə Amerika ilə
razılaşmadı, hətta Vaşinqtona qoşunlarını tezliklə ölkədən çıxarmaq
tələbini irəli sürdü.
Ərdoğan Türkiyədə hakimiyyətə gələndən dini
baza üzərində Yaxın Şərqdə öz hegemonluğunu təsdiqləmək istəyir. Ona
görə də qonşu ölkələrdə
vətəndaş müharibələrinin getməsində maraqlıdır.Ərdoğan siyasəti Türkiyəni Qərb sivilizasiyasından uzaqlaşdırıb
sünni fundamentalizminə sürümək istəyir. Misirdə buna cəhd göstərdi, ancaq
Misir hərbiçiləri birmənalı onun bu siyasətinə qarşı çıxdı. İndi Suriyada açıq
, İraqda isə gizli kürdlərlə sünnilərin alyansını yaradıb şiə hökümətini
yıxmaq istəyir. Başqa sözlə, İraqın qonşuları
olan iki böyük müsəlman dövlətləri İran və Türkiyə İraqda vəziyyəti
qarışdırıblar. ABŞ sözsüz istəsə, əks qüvvələri yerlərinə oturda bilər. Ancaq məsələ
bununla həll olunmur.”
