Səhər yeməyində bu sıyıqdan uzaq durun - Xəbərdarlıq

Həkim səhər yeməyində ən çox istifadə olunan sıyıqlardan birinin orqanizm üçün zərərli ola biləcəyi barədə xəbərdarlıq edib.

Bizim.Media xəbər verir ki, terapevt-qastroenteroloq Dmitri Karpenko “Gazeta.Ru”ya açıqlamasında səhər yeməyi üçün ən çox şişirdilən və zərərli sıyığın mannı olduğunu bildirib.

Mütəxəssisin sözlərinə görə, mannı buğdanın ciddi şəkildə üyüdülmüş dənələrindən hazırlanır və tərkibində demək olar ki, lif yoxdur. Lifin miqdarı cəmi 0,2 faiz olduğu halda, nişasta yüksəkdir. Glisemik indeksi 85-ə çatan mannı qanda şəkərin sürətlə yüksəlməsinə səbəb ola bilər.

Karpenko qeyd edib ki, belə məhsulların müntəzəm istehlakı orqanizmdə daha çox insulin ifrazına və nəticədə yağ yığılmasına səbəb ola bilər. Bundan başqa, mannının tərkibində olan fitin kalsium və dəmir kimi vacib mineralların mənimsənilməsini çətinləşdirir.

Həkim tez hazırlanan “dəqiqəlik” sıyıqlara da ehtiyatla yanaşmağı tövsiyə edib. Belə məhsulların tərkibində vitaminlər azala, şəkərin miqdarı isə yüksək ola bilər.

Bununla yanaşı, mütəxəssis daha faydalı sıyıqlar sırasında bütün vacib amin turşularını ehtiva edən kinuanı, rutinlə zəngin qarabaşaq yarmasını və beta-qlükan mənbəyi olan yulafı qeyd edib.

Endokrinoloq İlya Atraxov isə məşhur səhər yeməklərinin də hər zaman sağlam seçim olmadığını bildirib. Onun sözlərinə görə, hazır müsli, qarğıdalı lopaları, bəzi hazır sıyıqlar, vetçina və kolbasalı sendviçlər, bekon və sosislə hazırlanmış yumurta çoxlu şəkər, duz və yağ ehtiva edə bilər.

Mütəxəssis acqarına təzə sıxılmış şirə, smuzi və çox tünd qəhvədən də istifadə etməməyi məsləhət görüb. (publika.az)

Bizim.Media