Türkiyə müttəfiqlərini səhv yoldan döməyə çağırdı.
Moderator.az xəbər verir ki, bu fikri Türkiyənin Elm, sənaye və texnologiyalar naziri Fikri İşıq jurnalistlərin sualarını cavablandırarkən deyib.
“Biz PYD və YPG-ni bir terroçu təşkilat kimi görməyənləri, o cümlədən müttəfiqlərimizin mövqelərinin dəyişməsini istəyirik.Terror kimsəyə fayda gətirməyib və terrorla hansısa nəticə əldə olunmayıb. O baxımdan da Türkiyənin müttəfiqlərindən bu yanlış yoldan dönmələrini təmənna edirik”x9d, - deyə nazir Fikri İşıq deyib.
Nazir əlavə edib ki, Türkiyədə həyata keçirilən terrorun iki hədəfi var. “Birincisi, daxildə qorxu yaradaraq məqsədlərinə nail olmaq, ikincisi də, Türkiyənin bölgədə baş verən proseslərə müdaxiləsinin qarşısını almaq. Şükürlər olsun ki, terrorçular bu məqsədlərinə nail ola bilmədilər. Əksinə, xalq qorxmadı və daha da bir olub bu olaylara qarşı daha sərt cavab verməsini hökumətdən tələb etdi. İkinci məsələyə gəldikdə isə deyə bilərəm ki, bölgədə baş verən hadisələrə Türkiyənin mövqeyi bəllidir və bu mövqeyindən geri çəkilən deyil.”x9d
Ədalət naziri Bəkir Bozdağ isə deyib ki, Ankaradakı terrorla bağlı ciddi məlumatlar əldə etməkdəyik. “PYD PKK-nın bir qoludur və terrorçu təşkilatdır.Terroru kim həyata keçirirsə keçirsin, onunla mübarizədə hamı bir olmalıdır. Türkiyənin dostları da PKK və PYD terrorçu təşkilatları ilə mübarizədə bizim yanımızda olmalıdrılar. Bu sözdə deyil, real işdə özünü göstərməlidir”x9d, - deyə B. Bozdağ vurğulayıb.
