“Fulhem”in baş məşqçisi Alvaro Arbeloa hakimlərlə bağlı açıqlamalarına görə 25 min funt sterlinq cərimələnib.
Bizim.Media xəbər verir ki, İngiltərə Futbol Assosiasiyası (FA) ispaniyalı mütəxəssisi sentyabrın 20-də “Mançester Yunayted”lə 1:1 hesablı heç-heçədən sonra səsləndirdiyi fikirlərə görə cəzalandırıb.
Ona gələcək davranışı ilə bağlı rəsmi xəbərdarlıq da edilib.
FA hesab edir ki, Arbeloanın açıqlamaları hakimlərin qərəzli davrandığı və oyunun nəticəsinə təsir göstərməyə çalışdığı təəssüratı yaradıb. Müstəqil komissiya da onun sözlərinin hakimlərin əvvəlki matçda buraxdıqları səhvin əvəzini çıxmağa çalışdıqları kimi başa düşülə biləcəyini bildirib.
Qeyd olunur ki, Arbeloa oxşar qayda pozuntusunu təkrarlayacağı təqdirdə daha ağır cəza ilə üzləşə bilər.
Bizim.Media
