Moderator.az-a açıqlamasında Yeni Azərbaycan Partiyası icra katibinin müavini, millət vəkili Siyavuş Novruzov prezident İlham Əliyevin bu günlərdə müxalifətin ünvanına səsləndirdiyi ittihamlardan sonra siyasi dialoq mövzusunun gündəmə gəlib-gəlməməyəcəyinə münasibət bildirib.
Onun sözlərinə görə, siyasi dialoqu sadəcə satılmayan müxalifətə şamil etmək olar:
“Söhbət bəzi dövlətlərin tapşırıqları ilə fəaliyyət göstərən müxalifətdən gedir. Satqın və kimlərinsə diktəsi ilə idarə olunan müxalifətlə hansı dialoqdan söhbət gedə bilər? Satılmayan müxalifətlə dialoq həmişə olub və olacaq”.
