NASA Yer kürəsinin ən quraq ərazilərindən biri hesab olunan Çilinin şimalındakı Atakama səhrasına qar yağmasının peyk görüntülərini yayıb.
Bizim.Media xəbər verir ki, “həddindən artıq quraq” region kimi tanınan Atakama səhrasında yağan qar And dağlarından Sakit okeanın sahillərinə qədər uzanan əraziləri əhatə edib.
Səhrada daha əvvəl 2011 və 2025-ci illərdə də qar yağıntısı qeydə alınıb.
Avqustun 6 və 14-də çəkilmiş peyk görüntülərində dünyanın ən güclü radio teleskoplarından birinin – ALMA-nın yerləşdiyi Çahnantor yaylasının qarla örtüldüyü əks olunub.
Güclü qar və külək səbəbindən rəsədxana fəaliyyətini müvəqqəti dayandırıb və teleskop antenalarını qoruyucu rejimə keçirib.
Bizim.Media
