Ay qırmızı rəngə bürünəcək: Tarix və saat AÇIQLANDI

Avqustun 28-də baş verəcək xüsusi ay tutulması zamanı Ayın 90%-dən çoxu Yerin kölgəsinə daxil olacağı üçün demək olar ki, bütünlüklə qırmızımtıl çalar alacaq. 

Bizim.Media xəbər verir ki, bu barədə Moskva Planetarisinin metodiki dəstək şöbəsinin müdiri, astronom Lyudmila Koşman TASS-a müsahibəsində bildirib.

Astronom Ayın rəng dəyişmə səbəbini belə izah edib: 

"Ay yalnız tam ay tutulması zamanı qırmızı-qəhvəyi çalarlara boyanır. Bu effekti yaradan səbəb Ayın Yerin kölgəsinə daxil olması və planetimizin atmosferindən keçən Günəş şüaları ilə işıqlanmasıdır. Yerin atmosferinin vəziyyətindən asılı olaraq, Ay tünd qırmızı, mis-qəhvəyi və ya tünd tünd-qırmızı çalar ala bilər", – deyə Koşman qeyd edib.

Tutulma avqustun 28-də Moskva vaxtı ilə saat 04:24-də başlayacaq və 10:02-də başa çatacaq.

Moskvada Ay üfüqdən aşağıda olacağı üçün bu təbiət hadisəsi oradan görünməyəcək. Tutulmanın xüsusi fazaları Rusiya Federasiyasının ucqar qərbində, xüsusən Kalininqrad vilayətində müşahidə edilə bilər. Lakin orada da Ay maksimal fazaya çatmazdan əvvəl üfüqün arxasında batacaq. Həmçinin diskinin parlaqlığının azalması və səhər səmasının işıqlanması səbəbindən müşahidə çətinləşəcək. 

Avqust ayındakı bu ay tutulmasını Avropa, Qərbi Asiya, Afrika, Şimali və Cənubi Amerika, Sakit, Atlantik və Hind okeanları, həmçinin Antarktidada izləmək mümkün olacaq. 

Bizim.Media