Moderator.az-a iki ay öncə
Gəncə Ağır Cinayətlər Məhkəməsinin hökmüylə 11 il azadlıqdan məhrum edilən
araşdırmaçı jurnalist Ərşad İbrahimlinin qardaşı Taryel İbrahimov sensasiya
sayıla biləcək bir material göndərib.
Həmin yazıda o qardaşının tamamilə günahsız olduğunu, Ərşaddan aylar öncə Fərqanə Ələkbərovanın prezident İlham Əliyevə ünvanlanan və Prrzident Administrasiyasında qeydiyyatdan keçirilərək Kəlbəcər Rayon İcra Hakimiyyətinə göndərilən məktubundan da bəlli olur ki, onun namusuna kim tərəfindən təcavüz olunub. Halbuki sonradan Məhəmməd Bağırovun təhrikiylə həmin qız internetdə yayılan videonun guya Ərşad tərəfindən zorla alındığını iddia etməyə başladı və ona görə də ona törətmədiyi cinayətə görə 11 il cəza verdilər. Amma əlahəzrət fakt ortada və təkcə bu məktubun özü Ərşad İbrahimlinin günahsızlığı üçün alibi rolunu oynamağa yetərlidir.
Ümid edirik ki, çox hörmətli baş prokuror və daxili işlər naziri haqsız yerə ağr cəzaya məhkum edilmiş jurnalistin azadlığa buraxılması və əsl günahkarın məsuliyyətə cəlb olunması üçün səlahiyyətlərindən istifadə edəcəklər. İndi isə Taryel İbrahimovun məktubunu olduğu kimi təqdim edirik:
Baş prokuror Zakir Qaralov cənablarına
Daxili İşlər Naziri Ramil Usubov cənablarına
Kəlbəcər rayon məcburi köçkünü İbrahimov Taryel Misir oğlu tərəfindən
Azərb.Resp.Prez .Admin.
Sənədlərlə və vətəndaşlarla
Müraciətləri ilə iş şöbəsi
Daxilolma ə. 2192
02.04.2013
Ə R İ Z Ə
Fərqanə Ələkbərovanın Azərbaycan Respublikasının Prezidenti hörmətli İlham Əliyev cənablarlına ünvanladığı ərizənin bəzi məqamları ilə tanış olun və Sizin etibar etdiyiniz şəxsin- Gəncə şəhər Baş Polis idarəsinin rəisi Faiq Şabanovun ailəvi dostu olan Kəlbəcər rayon təhsil şöbəsinin sabiq müdiri Məhəmməd Bağırovla birləşərək qardaşıma-jurnalist İbrahimov Ərşad Misir oğluna necə torba tikdiklərinin şahidi olacaqsınız. Bu işdə saxtakarlığa yuvarlanmış Gəncə şəhər Baş Polis İdarəsinin İstintaq və Təhqiqat İdarəsinin baş müstəntiqi polis kapitanı Rüstəmov Samir Bəhram oğlunun “xidmətləri”nə də diqqət ayırmağınızı xahiş edirəm.
Jurnalist İbrahimov Ərşadın 11 il həbs cəzası almasına səbəb olmuş
Kəlbəcər rayonundan məcburi köçkün Ələkbərova Fərqanə Əhliman qızının prezident
İlham Əliyev cənablarına ünvanladığı ərizənin mətnindən bəzi hissələri olduğu
kimi diqqətinizə çatdırıram və bildirim ki, daşdan keçən bu sübutu Ərşadın
vəkili rəsmi sorğu ilə Kəlbəcər rayon icra hakimiyyətindən götürüb və sənədin
üstündə də Fərqanə Ələkbərovanın məktubunun Prezident Adminsitrasiyasına qəbul
olunma vaxtı göstərilib. Onu da bildirim ki, Fərqanənin yazdığını olduğu kimi,
yəni heç bir redaktə və korrektə etmədən təqdim edirəm...
Ələkbərova Fərqanənin yazdıqları
Cənab Prezident, əvvəlcə Sizi salamlayır, bayram münasibəti ilə (məktubun yazılma tarixinə baxdıqda Novruz bayramını nəzərdə tutduğu bilinir-T.İ.) təbrik edirəm. Cənab prezident, mən ağlım kəsənnən anamı-atamı zəhmətkeş, halal pul qazanan övladlarını sevən “ allahın unutmayan bir insan kimi tanıyıram. Kasıblıq, aclıq, çətinlik nə olduğunu çox gözəl bilirəm. Ailədə 4 nəfərik
1Atam Ələkbərov Əhliman Hüseyn oğlu
2.Anam Ələkbərova Firəngiz Xasay qızı
3. Qardaşım Ələkbərov Fərid Əhliman oğlu
4.Və mən Ələkbərova Fərqanə Əhliman qızı
Dinimə, Allahıma, Vətənimə, ailəmə nə qədər bağlıyam...
“Allah çox gözəl bilir. Mən bu məktubu Sizə yazmaqda məqsədim odur ki, mən Ələkbərova Fərqanə mənim və ailəmin daha alçalmağına dözə bilmədiyim üçün mənim ailəmi və məni Ermənistana keçməyimizə köməklik göstərəsiniz; Bəli Ermənistana. Orada yaşayan canilərin, quldurların yanına. Səbəb?- Bezmişik buradakı Kəlbəcərin vəzifəli şərəfsizlərin yanındansa oların yanında yaşamaq daha yaxşıdır...........................................................................................................18 yaşımda noldu?
Ermənistana keçməyimin səbəbi
1)
Kəlbəcərin vəzifəli şəxslərindən iş istədim, gözəl, çox gözəl idim. 4 il
əvvəl indi qəmnən, dərtdən nə günə
düşmüşəm. Kasıb olmağımdır günahım?
Deyin günahımı Sizi seçən bizlərik,
vəzifəlilər yox İlham müəllim.
Məzlumlar-məzlumlar “ xalq” məzlumlardı vətən. İcra başçısı xəstə
qardaşıma deyib ki, dur burdan............ üzr istəyirəm çox pis ifadə işlədib.
Şərəf və ləyaqət deyilən bir şey var. Sizi görəm elə şeylər bilirəm ki, hansı
qapıya getsəm iş istəsəm mənə başqa şeylər təklif olunub... Bunları və daha başqa hər şeylər təklif olunub...
Bunları və daha başqa hər şeyi əvvəlki icra başçısı hər şeyi bilir və
subutlarım var. Atam Ulu Öndərimiz həm Sizin
həm millətimin həm də mənim arxasız atası olan Heydər Əliyevin oğlu
Əliyev .... Mən 2011-04 apreldə könüllü hərbiyə getdim. Zakir Həsənova müraciət
etdim və qəbulunda oldum. Bunlarsa öz övladlarını hərbi xidmətdən saxlatdırır.
Heydər Əliyev sağ olsaydı yeri-göyü lərzəyə gətirərdi. Məni bir işlə təmin
etmədilər. Cənab prezident işləyəm ailəmə kömək edəm. Çox şeylər var ki, amma
yazılası yox. Sizə deyiləsidir. Qadın alveri ilə məşğul olan Kəlbəcər
vəzifəliləri var. Müəllim işləmək istəyirsən 3-4 min azı pul verməlisən.
Məktəbə süpürgəçi düzəlmək üçün 1000-1500 manat. Tikdiyiniz evləri satdılar, qaçqınlara
vermədilər. Təhsildə üzr istəyirəm kişiləri məzuniyyətə qadın kimi çıxardılar
və daha nələr var” hamısı rüşvətlə, icra
başçısı rüşvətlə, marif müdrü rüşvətlə, həkimləri rüşvətlə başqa heç bir şeylə
məşğul deyillər.... o dərəcədə göynənə gedirlər ki, Sizi belə eşitməzlər. Mən
internet vasitəsi ilə vido ilə Sizə və Azərbaycanda işləyən səfirlərə müraciət
edəcəm. Mənim şərəf və ləyaqətim tapdalanıb.
Mən Allahdan başqa heç kəsdən qorxmuram. Mən ali təhsilli müəlliməyəm.
Hər gün ailəmi ölümlə hədələyirlər. Heydər oğlu sənə səslənirəm. Ata vətənimdən
Kəlbəcər idarələrinə vəzifəyə təyin etdiyin bunlar canavardır. Bu məkyubu
oxuyan ,anan varsa ananın canına ad verirəm bu məktubu cənab prezidenimizə
verəsiniz. Mən müraciətimi internetlə
video şəkilində yerləşdiənə qədər məktubu İlham Əliyevə verin. Haqq -ədalət var
bu dünyada” ailəmin evində baş ucunda Heydər Əliyev Babanın şəkili var.
Inanırsız 1 Allahla aynanın qarşısında
danışıram bir də atamızın şəkilinə baxıb səmimi qəlbdən deyirəm o,
mənim Peyğəmbərimdir. Peyğəmbər oğlu
imdad elə. Əgər köməklik etmirsinizsə çox-çox xahiş edirəm ailəmi və məni
Ermənistan dövlətinə könüllü keçməyimə kömək edəsiniz.
İmza: Alakbərova F. 23.03.2013
Görəsən, fəryad çəkən qızın səsini niyə eşidən olmadı? O da axırda jurnalist İbrahimov Ərşadı taparaq “Youtube”la yayımlanan həmin qalmaqallı videomüsahibəni verdi. Elə Ərşad da həmin yayımın qurbanı oldu. Nə az nə çox- 11 il həbs cəzası verdilər...
Görəsən, Respublikanın hüquq-mühafizə orqanları bu sahibsiz qızın başına gətirilən hadisədən həqiqətən xəbərləri yoxdurmu? Nə üçün namusuna təcavüz edildiyini iddia edən bu qızcığazın fəryadına vaxtında reaksiya bildirilmədi?
Onu da qeyd edim ki, Ələkbərova Fərqanənin ali təhsilli olmasıyla bağlı yazdıqları ağ yalandır. Sabiq təhsil şöbəsinin müdiri Bağırov Məhəmməd Ələkbərova Fərqanəyə Gəncə Müəllimlər İnstitutunun dördüncü kurs tələbəsi olması barədə saxta arayış almış və 57 â„–-li məktəbə təyin etdirmişdir. Bundan sonra Ələkbərova Fərqanə Prezident İlham Əliyev cənablarına fəryad dolu müraciətini unutmuş və onun bakirəliyini pozmuş sabiq Təhsil Şöbənin müdüri Bağırov Məhəmmədlə birləşərək jurnalistə böhtan atmışlar.
