Rusiya Ukrayna dronlarını vurmaq üçün yeni zenit raketi hazırlayır

Rusiya Ukrayna dronlarını vurmaq üçün ucuz yeni zenit raketi hazırlayır.

Bizim.Media “Defense Express”ə istinadən xəbər verir ki, hazırlanan raket artıq Vladimir Putinə nümayiş etdirilib və onun qiyməti təxminən 1 milyon rubl, yəni 12 min dollara yaxındır.

Yeni raketin mövcud idarəolunmayan “Alazan” ailəsinə məxsus raket əsasında hazırlanacağı bildirilir. Analitiklər ölçülərinə əsasən, söhbətin 82,5 millimetrlik “Alazan-6” raketindən getdiyini ehtimal edirlər.

“Alazan-6”nın maksimal uçuş məsafəsi 12 kilometr, maksimal hündürlüyü isə 9,3 kilometrdir. Raketin ümumi çəkisi 8,8 kiloqramdır.

Analitiklərin fikrincə, “Alazan-6”nın döyüş başlığının dəyişdirilməsi ilə onu zenit raketinə çevirmək mümkündür. Yeni raket hazırda hazırlanma mərhələsindədir.

Bizim.Media