"İstənilən sanksiyanın tədbiqinə baxmayaraq Rusiya bizim qonşumuzdur. Biz artıq 200 ildir ki, birlikdəyik. Bizi dərin bağlar birləşdirir. Rusiyada Azərbaycanın böyük diasporu fəaliyyət gösətərir". ANS PRESS-in məlumatına görə, bunu Azərbaycanın Rusiyadakı fövqəladə və səlahiyyətli səfiri Polad Bülbüloğlu keçirdiyi mətbuat konfransında deyib.
P.Bülbüloğlu bildirib ki, Azərbaycanda indiyə kimi bir dənə də olsun rus məktəbii bağlanmayıb. "Bakıda Moskva Dövlət Universitetinin filialı, həmçinin Slavyan Universiteti var. Bizdə hər küçədə rus dilində danışan ailələr görmək olar. Bunu Bakıda olanlar yaxşı bilir. Olmayanlar isə gəlib buna özləri şahid ola bilərlər".
Səfir "Rusiya ilə əməkdaşlığa görə, Bakıya təzyiq göstərilirmi?" sualına isə belə cavab verib. "Biz bunlara sakit yanaşırıq. Müxtəlif güclər və ölkələr bizə də təsir etmək istəyir, bizə qarşı piar kampaniyalar olur. Azərbaycana xarici təzyiq mümkün deyil".
