Sözügedən informasiya “Qafqazinfo”da da dərc olunmuşdu. Məlumatda qeyd olunurdu ki, iki müxtəlif elanların mətnlərində “Böyrək satılır. 1-ci qrup. 40 000 AZN”, “Böyrək satılır. 2-ci qrup 50 000 AZN” sözləri yazılmışdı. Eyni zamanda hər bir elanın aşağısında da müxtəlif mobil telefon nömrələri yazılmışdı.
“Qafqazinfo” məsələnin orqan alveri ilə bağlı olacağını nəzərə alaraq DİN İnsan Alverinə qarşı Mübarizə İdarəsinin rəisi, polis polkovniki Şərif Əsədullayevlə əlaqə saxlayıb. Şərif Əsədullayev bildirib ki, bu sahə çox ciddi nəzarət altındadır. Çox sağolun ki belə bir hadisə barədə bizə məlumat verdiniz ki, xidməti tədqiqat aparılsın. Bizim əməkdaşlar həmin tədqiqatı apardı. Nəticədə məlum oldu ki, həmin elan saxtadır. Hər hansı təxribat məqsədi daşıyır. Bu sahəyə həddindən artıq ciddi diqqət yetirilir”.
Günel
