Başqalarının uğurlarına sevinə bilməyən BÜRCLƏR

Bəzi insanlar səmimi şəkildə gülümsəsələr də, daxilən başqasının qələbəsini ağrılı qəbul edə bilərlər. Başqalarının nailiyyətləri müxtəlif duyğular — səmimi sevinclə yanaşı, daxili qıcıqlanma da doğura bilər. Astroloqlar özlərini ən çox başqaları ilə müqayisə edən bürclərin adlarını açıqlayıblar.

Bizim.Media başqalarının qələbələrini sakit qarşılamaqda ən çox çətinlik çəkən bürcləri təqdim edir:

12-ci yer - Dolça

Dolçalar adətən öz ideya və planları ilə o qədər məşğul olurlar ki, özlərini daim başqaları ilə müqayisə etməyə sadəcə vaxtları qalmır. Onlar başqasının uğrunu həsəd aparmaq üçün bir səbəb kimi deyil, daha çox ilham mənbəyi kimi qəbul edirlər.

11-ci yer - Oxatan

Oxatanlar azadlığı sevirlər və kimin nəyə nail olduğu ilə o qədər də maraqlanmırlar. Onlar tanış bir insan üçün səmimi şəkildə sevinə bilirlər, əgər həsəd hissi yaransa belə, bu, adətən çox tez keçib gedir.

10-cu yer - Balıqlar

Balıqlar özlərinin çoxdan arzuladıqları bir şeyin başqasına nəsib olduğu vəziyyətlərə ağrılı reaksiya verə bilərlər. Lakin onlar bu hissi qarşı tərəfə mənfi münasibət göstərməkdənsə, daha çox öz daxillərində yaşamağa meyllidirlər.

9-cu yer - Qoç

Qoçlar o qədər də həsəd aparmırlar, sadəcə başqalarının qələbələrini bir çağırış (meydan oxuma) kimi qəbul edirlər. Daha uğurlu bir rəqib gördükdə bu bürcün nümayəndəsi "Mən bəyəm ondan əskiyəm?" deyə düşünə və öz üstünlüyünü sübut etməyə girişə bilər.

8-ci yer - Tərəzi

Tərəzilər, xüsusən də söhbət xarici görkəm, münasibətlər və ya sosial statusdan düşəndə özlərini başqaları ilə müqayisə etməyə başlaya bilərlər. Bununla belə, onların həsədi kiməsə zərər vurmaq istəyindən ziyadə, özlərindən gizli bir narazılıq formasına bənzəyir.

7-ci yer - Xərçəng

Xərçənglər çox həssasdırlar, buna görə də başqalarının uğurları bəzən onları öz həyatları barədə düşünməyə vadar edir. Əgər onlara elə gəlsə ki, kimisə onlardan daha çox sevir, qiymətləndirir və ya dəstəkləyirlər, həsəd hissi özünü xüsusilə kəskin büruzə verə bilər.

6-cı yer - Əkizlər

Əkizlər başqalarının həyatında nələr baş verdiyini bilməyi çox sevirlər, buna görə də fərqinə varmadan özlərini daim kimlərlə isə müqayisə edə bilərlər. Ətraflarındakı birinin qəfildən onlardan daha populyar və ya uğurlu olması onlara xüsusilə pis təsir edir.

5-ci yer - Buğa

Buğalar rahatlığa, pula və gözəl həyata yüksək dəyər verirlər, bu səbəbdən başqasının maddi uğuru onlara toxuna bilər. Düzdür, onlar açıq-aşkar paxıllıq etmək əvəzinə, çox vaxt sadəcə belə qərara gəlirlər: əgər kimsə bunu bacarıbsa, deməli, onlar da istədiklərini əldə etməlidirlər.

4-cü yer - Oğlaq

Oğlaqlar çox iddialıdırlar və karyera nailiyyətlərində kiminsə onları qabaqladığı vəziyyətləri ağrılı qarşılayırlar. Onlar paxıllıq etdiklərini nadir hallarda boyunlarına alırlar, lakin başqasının uğuru onlar üçün daha çox çalışmaq adına əlavə bir motivasiyaya çevrilə bilər.

3-cü yer - Qız

Qızlar hər şeyi, o cümlədən başqalarının həyatını da xırdalıqlarına qədər analiz etməyə meyllidirlər. Onlar başqalarında olan şeyləri fərq edə və xarici görünüşcə tamamilə sakit qalsalar da, daxilən bunun niyə hələ də özlərində olmadığını düşünə bilərlər.

2-ci yer - Əqrəb

Əqrəblər özlərini ikinci planın adamı kimi hiss etməyi sevmirlər və onlardan üstün olan insanlara qarşı çox kəskin reaksiya verirlər. Əgər daxillərində paxıllıq hissi yaransa, bunu uzun müddət gizlədə bilərlər, lakin həmin vəziyyəti unutmaları heç də asan olmayacaq.

1-ci yer - Şir

Şirlər üçün diqqət mərkəzində olmaq, uğur qazanmaq və ətrafdakıların heyranlığını qazanmaq həyati əhəmiyyət kəsb edir. Buna görə də, bütün diqqət qəfildən başqa birinə yönələndə bu bürcün nümayəndəsi real bir paxıllıq sancısı hiss edə bilər — xüsusən də həmin rəqib onun tam yaxınlığındadırsa.

Firuzə Alimova, Birim.Media