ANS prezidentinin doğum günüdür

İyirmi iki il qabaq çox gənc və yaraşıqlı oğlanlar - Vahid Mustayev, onun qardaşı Seyfulla və dostu, bütün həyat boyunca silahdaşı Mir Şahin Ağayev bütün MDB məkanı üzrə ilk müstəqil televiziyanı yaratmaq qərarına gəldilər. Rusiyanın NTV kanalının onda heç adı da çəkilmirdi. Bu qabiliyyətli oğlanlar zamanın çağrışını hiss etdilər və anladılar ki, tamamilə fərqli bir televiziya lazımdır. Gənclərin bu istəyinə yetərincə təəccüblə qarşılayan yaşlı insanlar, bununla belə onlara xeyir-dua vermək qərarına gəldilər. Yəqin ki, onların bəziləri nə vaxtsa müstəqil ANS şirkətinin yaradılmasına yardım etdikləri üçün indi peşmandırlar, çünki ANS elə ilk günlərindən öz səmimiliyi, baş verən hadisələrə fərdi yanaşması, məlumatların qeyri-standart çatdırılması və bütün mənfiliklərə dözülməz olması ilə sanki bütün teleauditoriyada partlayış yaratdı.

Bir şey də var, bu üç nəfər təpədən dırnağa kimi gerçək vətənpərvər idi. Onlar Azərbaycanın zorla cəlb edildiyi bu Qarabağ müharibəsi boyunca başdan ayağa addımlayıblar və nədənsə münaqişə adlandırılan bu qırğının unikal arxivini toplayıblar. Televiziya qəzet deyil, burada kağızla, qələmlə və kompüterlə yola verə bilməzsən. Burada çox şey - kamera, montaj qurğusu, işıq aparatı və çox-çox başqa avadanlıqlar, həmçinin xüsusi avadanlıqlar, yəni bu gün həddindən bahalı olan texnika lazımdır. Yəni uşaqlar evə pul gətirmirdilər, əksinə evdən pul götürürdülər. Maaşlar da tamamilə şərti bir şey idi, bu gün olduğu kimi pulu yalnız reklamla qazanırdılar və qazanılan pul isə texnika almağa çatmırdı. Bir şeyi xüsusilə qeyd edək - son 20 ildən çox müddət ərzində ANS Azərbaycanda həyata keçirilmiş ən uğurlu layihə olub.

İlk cığır açanlar üçün həmişə çətin olub, keçilmiş yolla irəliləyənlər üçün yetərincə asandır. İllər sonra başqa müstəqil şirkətlər də yarandı, onlar, əlbəttə, ANS-in yaranma təcrübəsini nəzərə alıblar. Yəni əminliklə demək olar ki, bu teleşirkət Azərbaycanda müstəqil yayımın artmasına və genişlənməsinə səbəb olub. ANS indi yalnız televiziya və radio deyil. Şirkət jurnallar, kitablar, musiqi diskləri nəşr edir, yalnız ölkəmizdə deyil, xaricdə də böyük populyarlıq qazanmış sənədli və bədii filmlər çəkir.

  Götürək Qahirədə və Londonda, Amsterdamda və Bişkekdə, İstanbulda, Antaliyada, Moskvada və başqa şəhərlərdə böyük anşlaqla nümayiş etdirilən “Xoca” filmini. Yada salaq ki, bu kino əsərin rejissor və senaristi Vahid Mustafayevdir və o artıq yeni əsərin yaradılması, bütün şirkətin gələcək inkişafı barədə düşünür.

O, praktiki olaraq işə hər gün yeni ideyalarla gəlir, kollektivi tələsdirir, irəli aparır. O sanır ki, yerində saymaq olmaz, irəli getmək, yeni texnologiyalar və biliklər mənimsəmək lazımdır.

  Burada kadrları özləri hazırlayırlar. Artıq bir neçə ildir ki, ANS-də akademiya fəaliyyət göstərir və orada yalnız jurnalistlər deyil, informasiya texnologiyaları üzrə mütəxəssislər, texniklər və hətta menecerlər hazırlayırlar. Gənc oğlan və qızların öz dünya görüşlərində daha azad olmaları, istənilən situasiyanı sürətlə təhlil etmələri və müasircəsinə düşünmələri üçün onlara hər şey öyrədirlər. Burada isə yalnız Vahid, Seyfulla və Mir Şahin deyil, həm də tarixçilər, politoloqlar, alimlər, menecment sahəsində mütəxəssislər və aparıcı jurnalistlər dərs keçirlər. Və özü də onlar yalnız Azərbaycanı deyil, dünyanın bir çox aparıcı ölkələrini təmsil edirlər. Vahid özü təkcə yaxşı jurnalist, ssenarist və rejissor olmaqla kifayətlənmir. O, həm də gəlir əldə etmək üçün pulunu hara qoymağı yaxşı bilən iş adamıdır. Axı yalnız bu yolla yeni kinopavilyon, şirkətə bina tikmək, burada işləyənlərin maaşlarını qaldırmaq mümkündür. Texnikanı da unutmaq olmaz və onu daima yeniləmək lazımdır, amma buna böyük xərclər tələb edilir. Buna görə, sutkanın 24 saatı Mustafayev üçün yetərli deyil. Bəzən, o, hansısa möcüzə ilə sutkanın saatlarını 36-ya qaldırır və buna öz sağlamlığının, övladlarından tez-tez ayrı qalmağı hesabına nail olur. 

Vahid Mustafayev üçün ANS də öz iki sevimli qızı kimi doğma baladır. Onun qayğısına və diqqətinə daima ehtiyac duyanlar arasında həm də xanımı, atası və anası, çox sayda yaxın və uzaq tanışları var. 

  Bu gün Vahid Mustafayevin ad günüdür. Onun cəmi 45 yaşı tamam olur. Deməli, onun daha gözəl və uğurlu günləri hələ qabaqdadır. Onun gözəl qızlarının toyunda bütün ANS kollektivi rəqs edəcək. Həmçinin dünyanın bütün telenəhəngləri çox tezliklə öz xəbər buraxılışlarını bu sözlərlə başlayacaq: “Azərbaycanın tanınmış telekanalı ANS bildirir". 

 Vahid Fuad oğlu Mustafayev - bizim şirkətin başçısı, sənə can sağlığı arzulayırıq, ildən ilə həndəsi silsilə ilə artan enerjinlə əvvəlki kimi heç zaman yorulma və öz işlərində uğur qazan.

 Qoy həmişə Yaradan səninlə olsun, ürəkdən inandığın ədalət və xeyirxahlıq səni heç zaman tərk etməsin!

Anspress.com