İsrailin terrorla mübarizə qərargahı vətəndaşlarına müraciət edərək xaricə səfər edən zaman onları diqqətli olmağa çağırıb. xa0
Rəsmi Tel-Əviv vətəndaşlarına Türkiyə, Pakistan və Azərbaycana isə ümumiyyətlə getməməyi məsləhət bilib və qeyd edib ki, sadalanan ölkələrdə hazırda terror təhlükəsi mövcuddur:
Moderator.az -a açıqlamasında AXC iqtidarı dönəmində milli təhlükəsizlik nazirinin sabiq birinci müavini olmuş Sülhəddin Əkbər bildirib ki, İsrail bu tip xəbərdarlıqlarla mütəmadi olaraq çıxış edir:
“İsraillə Azərbaycanın arasında münasibətlər hər zaman yaxşı olub. Hesab etmirəm ki, onlar bu bəyanatı yaymaqla Azərbaycanın nüfuzuna xələl gətirmək istəyirlər. Rəsmi Tel-Əviv hər zaman vətəndaşlarını terror təhlükəsi yüksək olan dövlətlər barədə xəbardar edib. Bildiyimiz kimi ölkəmizdə də bir müddət öncə atəşkəs pozuldu. Azərbaycan müharibə şəraitindədir. Bizdə də hazırda terror təhlükəsi kifayət qədər yüksəkdir. Mən İsrailin bu xəbərdarlığını normal hesab edirəm.”x9d
