Fransada məktəblilərin etiraz aksiyaları ölkənin müxtəlif bölgələrinə yayılıb. Etirazların Paris yaxınlığındakı Kretey şəhərində yerləşən liseydən başladığı bildirilir.
Bizim.Media xəbər verir ki, aksiyalar nəticəsində 1 000-dən çox liseydə tədris prosesinin pozulduğu qeyd olunur.
Bu, ölkədəki liseylərin təxminən dörddə birinə bərabərdir. Şagirdlər daha çox müəllim, əlavə maliyyələşmə və təhsil müəssisələrində daha yaxşı şərait tələb edirlər.
Etirazların bəzi yerlərdə iğtişaşlara çevrildiyi, avtomobillərin və binaların yandırıldığı, təhlükəsizlik qüvvələrinə daş atıldığı və müəllimlərə hücumlar edildiyi bildirilir. Məlumata görə, 65 məktəb əməkdaşı, o cümlədən 40 direktor xəsarət alıb.
Müxtəlif mənbələrin məlumatına əsasən, saxlanılanların sayı 600-2 000 arasında dəyişir. Təxminən 400 liseyin fəaliyyətinin dayandırıldığı bildirilir.
Fransadakı hadisələrin ardınca Belçikada da məktəb etirazlarının başladığı qeyd olunur.
Bizim.Media
