Prezident Vladimir Zelenski futbol üzrə Avro-2020 çempionatında İngiltərə ilə oyundakı məğlubiyyətdən sonra Ukrayna millisini dəstəkləyib.
Bizim.Media xəbər verir ki, bu barədə o, Twitter-də yazıb.
"Uşaqlar, ən yaxşılarla bir səviyyədə mübarizə apardığınızı, polad bir xarakterə sahib olduğunuzu, ətrafınızda bütün ölkəni birləşdirdiyinizi sübut etdiniz. Bu turnir üçün təşəkkür edirəm, sonra daha yaxşı olacağına əminəm! Hər birinizi bütün ukraynalılar adından qucaqlayıram! Ukraynaya eşq olsun! ", - deyə Zelenski qeyd edib.
Xatırladaq ki, Ukrayna komandası Avro-2020-nin qrup mərhələsində üç xal toplayaraq üçüncü yeri tutmuşdu. Ukraynalılar Şimali Makedoniyaya qalib gəlib (2: 1), Niderlanda (2: 3) və Avstriyaya (0: 1) məğlub olmuşdular. 1/8 finalda Ukrayna millisi əlavə vaxtda İsveçə qalib gəlmişdi (2: 1).
3 iyul gecəsində isə İngiltərə Ukraynanı 4: 0 hesabı ilə məğlub edib və ukraynalı futbolçular Avro-2020-dən ayrılıb.
Əvvəllər rəy sorğusuna görə, ukraynalıların üçdə birindən çoxu Ukraynanın qələbəsinə inandığını bildirmişdilər.
Bizim.Media
Хлопці, ви довели, що вмієте битися нарівні з найкращими, що маєте сталевий характер, вмієте надихати й об'єднувати навколо себе всю країну. Дякую за цей чемпіонат і певен, що далі – тільки краще! Обіймаю кожного з вас від усіх українців! Слава Україні! pic.twitter.com/B1QAQVPg7v
— Володимир Зеленський (@ZelenskyyUa) July 3, 2021
