Türkiyəli müğənni Sibel Canın Tarkanla duet oxuduğu "Bir parmak bal”x9d adlı sinql bu yaxınlarda satışa çıxarılacaq.
Türkiyənin sevilən sənətçisi Sibel Can Tarkana olan sevgisini instaqramda "Bir dünya ulduzu ilə çalışmaq böyük imtiyazdır. Onun diqqəti, sevgisi, həyəcanı, əməyi unudulmazdır. Nə qədər təşəkkür etsəm yenə azdır. Mənim tək ulduzumdur”x9d yazaraq ifadə edib.
Moderator.az Türkiyə mətbuatına istinadən xəbər verir ki, sənətçi sinqlın üz qabığı üçün fotoqraf Aytəkin Yalçının obyektivinə poza verib. Sibel Canın kupalnikdə çəkilmiş şəkilləri yenə də müzakirələrə səbəb olub.
Xatırladaq ki, Sibel Can ilə Tarkanın dostluğu uzun illərə söykənir.
