Çin və Amerika aktyoru Ceki Çan "Viy 2" filmində əsas rollardan birini ifa edəcək. Musavat.com Rusiya mətbuatına istinadən xəbər verir ki, filmin çəkilişləri Çində başlayıb.
Rusiyanın 2014-cü ildə gəlirli filminin (o, 39 milyon dollardan çox qazanıb) yaradıcıları bundan əvvəl də Ceki Çanın filmə çəkiləcəyini bildrimişdilər. Lakin bunun rəsmi təsdiqi yox idi.
"Viy 2" ilk hissənin qəhrəmanı, britaniyalı Conatan Qrinin və kazak yoldaşlarının Çindəki macəralarından bəhs edir. Süjetə görə, Qrin I Pyotrun əmri ilə Çinə - Uzaq Şərqin xəritəsini hazırlamaq üçün yollanır. Əmrin yerinə yetirilməsi zamanı qəhrəman müxtəlif təhlükələr və mistik əlamətlərlə qarşılaşır.
Filmin rejissoru Oleq Stepçenkodur.
