Bu yay stilist sevgilisi Eliz Sakuçoğludan ayrılan Murat Bozdan yeni xəbər var.
Adı bir sıra sevgi macəralarında hallanan tanınmış sənətçi hər dəfə iddialara “ürəyim boş” deyə cavab versə də, deyəsən, bu dəfə bəhanə tapmağa yer qalmayıb.
Türkiyə mətbuatına istinadən xəbərə görə, bir həftə əvvəl Gökova Körfəzinin Akyaka bölgəsinə gedən Murat Bozun adı bu dəfə Tarkanın keçmiş sevgilisi Bilge Öztürklə hallanır. Boz-Öztürk cütlüyünün “Instagram” hesabından paylaşdıqları foto isə iddiaları bir daha təsdiqləyib.
Qeyd edək ki, Tarkanla Öztürkün münasibətləri yeddi il davam edib. Belə ki, onlar 2001-ci ildə tanış olub, 2008-ci ildə ayrılıblar.(publika.az)
