“Almaniya bizim üçün vacib tərəfdaş və dost ölkədir” - Prezident 

“Biz Azərbaycan-Almaniya əlaqələrinin hərtərəfli inkişafına xüsusi əhəmiyyət veririk. Almaniya bizim üçün vacib tərəfdaş və dost ölkədir”. 

Bizim.Media xəbər verir ki, bu barədə Prezident İlham Əliyevin Alman Birliyi Günü münasibətilə Almaniya Federativ Respublikasının Prezidenti Frank-Valter Ştaynmayerə ünvanladığı təbrik məktubunda bildirilib. 

“Hazırda qarşılıqlı faydalı tərəfdaşlığımızın daha da inkişaf etdirilməsi üçün geniş imkanlar var. İnanıram ki, Azərbaycan ilə Almaniya arasında istər ikitərəfli qaydada, istərsə də Avropa İttifaqı çərçivəsində fəal əməkdaşlıq əlaqələri bundan sonra da xalqlarımızın və ölkələrimizin rifahına xidmət edəcək” – deyə İlham Əliyev qeyd edib. 

Bizim.Media