Hikmət Hacıyev İranın Bakıdakı səfiri ilə görüşüb – Nələr müzakirə edilib?

Hazırda oxunan: Hikmət Hacıyev İranın Bakıdakı səfiri ilə görüşüb – Nələr müzakirə edilib?

95532

İran İslam Respublikasının Azərbaycandakı səfiri Seyid Abbas Musəvi Azərbaycan Prezidentinin xüsusi köməkçisi Hikmət Hacıyevlə görüşərək danışıqlar aparıb.

Bizim.Media "İSNA" agentliyinə istinadən verir ki, görüşdə ikitərəfli münasibətlərdə son proseslər və regional məsələlər, xüsusilə Ermənistanla Azərbaycan arasında son zamanlar sərhəd toqquşmaları və bununla bağlı Tehranın mövqeyi ətrafında fikir mübadiləsi aparılıb.

Görüşdə beynəlxalq səviyyədə tanınmış sərhədlərin dəyişməzliyi, İranın regionda həyati və uzunmüddətli maraqlarına zidd olan geosiyasi dəyişikliklərin olmaması, iki şimal qonşusuna davamlı sülhün əldə edilməsinə kömək etməyə hazır olması, İran və Azərbaycan arasında müntəzəm siyasi danışıqların aparılması zərurəti kimi digər əsas mövzular nəzərdən keçirilib.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.