“Ermənistan Respublikasının dövlət sərhədindən buraxılış məntəqələrinin müəyyən edilməsi haqqında” hökumətin 12 may 2011-ci il tarixli qərarına dəyişiklik edilib. Dəyişikliyə əsasən Ermənistan-Azərbaycan dövlət sərhədində 3 yeni buraxılış məntəqələri açılacaq.
Bizim.Media "Sputnik Ermənistan"a istinadən xəbər verir ki, layihədə Qarabağdakı yaşayış məntəqələrinin və rayonlarının Azərbaycan toponimləri də yer alıb:
"Sotk" (Zod), Qeqarkunik rayonu (Kəlbəcər rayonu)
"Yerasx" (Arazdəyən), Ararat rayonu (Sədərək rayonu)
"Qaraxunc" ("Eyvazlı"), Sünik rayonu (Qubadlı rayonu).
Qeyd edilir ki, layihənin qəbul olunması baş nazir Nikol Paşinyanın avqustun 4-də hökumətin iclasında verdiyi tapşırıqların yerinə yetirilməsi ilə bağlıdır.
Ermənistanın baş naziri bəyan edib ki, rəsmi İrəvan bu gün də Naxçıvanla Azərbaycan arasında gediş-gəlişi təmin etməyə hazırdır.
Söhbət faktiki sərhəddən gedir, çünki Ermənistan və Azərbaycan delimitasiya və demarkasiya ilə bağlı razılığa gəliblər.
Bizim.Media
