“Qarabağda yaşananlar bizə ayrı-seçkiliyin göz yaşlarından başqa bir nəticə gətirmədiyini göstərib. Biz elə buna görə azərbaycanlı qardaşlarımızın yanındayıq”.
Bizim.Media-nın məlumatına görə bunu Türkiyə Prezidenti Rəcəb Tayyib Ərdoğan Ədalət və İnkişaf Partiyasının (AKP) Şırnak təşkilatının konfransında söyləyib. Minsk qrupunun fəaliyyətsizliyini sərt tənqid edən Ərdoğan Azərbaycanın haqq işini dəstəklədiyini söyləyib. “Rəbbim yardımçıları olsun. İnanıram ki, işğal altındakı bu torpaqları ermənilərdən qurtaracaqlar. İnşallah, bunu uğurla başa gətirsinlər”.
Ərdoğan Ermənistan tərəfinin atəşkəsi pozmasına da diqqət çəkib:”İkinci dəfə atəşkəs elan olunsa da, Ermənistan yenə Azərbaycana hücum etdi. Avropa hələ də səsini çıxarmır, Türkiyə isə susmayacaq. Biz haqqın və haqlının yanındayıq”.
