Ötən il imzalanmış “Azərbaycan Respublikası Xarici İşlər Nazirliyi ilə Rusiya Federasiyası Xarici İşlər Nazirliyi arasında 2021-2022-ci illər üçün məsləhətləşmələr planına” uyğun olaraq, Azərbaycan və Rusiya XİN-ləri arasında Avropa və regional təhlükəsizlik məsələlərinə dair növbəti məsləhətləşmələr keçirilib.
Azərbaycan Xarici İşlər Nazirliyindən Bizim.Media-ya bildirilib ki, xarici işlər nazirinin müavini Araz Əzimov və Rusiyanın xarici işlər nazirinin müavini Aleksandr Qruşkonun rəhbərlik etdiyi nümayəndə heyətləri Avropa təhlükəsizliyi, Avropa regional təşkilatlarının gündəliyində duran məsələlər və regional təhlükəsizlik vəziyyəti ətrafında geniş fikir mübadiləsi aparıblar.
Tərəflər Azərbaycan, Rusiya və Ermənistan liderlərinin 10 noyabr 2020-ci il, 11 yanvar 2021-ci il və 26 noyabr 2021-ci il üçtərəfli bəyanatlarının tam şəkildə icrasının vacibliyini vurğulayaraq, bu kontekstdə Azərbaycan və Ermənistan arasında münaqişədən sonrakı normallaşma prosesinin müxtəlif aspektləri ətrafında cari vəziyyəti müzakirə ediblər.
Qeyd edək ki, xarici işlər naziri Ceyhun Bayramov da məsləhətləşmələr məqsədilə ölkəmizə səfər edən Rusiyanın xarici işlər nazirinin müavininin rəhbərlik etdiyi nümayəndə heyətini qəbul edib.
Bizim.Media
- A-
- A
- A+
Siyasət
22:10 / 30.06.2022
Lavrovun müavini Bakıda siyasi MƏSLƏHƏTLƏŞMƏLƏR APARDI
Hazırda oxunan: Lavrovun müavini Bakıda siyasi MƏSLƏHƏTLƏŞMƏLƏR APARDI
Hazırda oxunan: Lavrovun müavini Bakıda siyasi MƏSLƏHƏTLƏŞMƏLƏR APARDI
81760
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
