“Cıdır düzündə gəzərkən müstəqillik ruhunu hiss etdim” – Selçuk Bayraktar 

“Teknofest elmi, qardaşlığı və müstəqilliyi özünə düstur seçmiş ruhdur. Dünən mənə ilk dəfə görmək nəsib olan Şuşada, Cıdır düzündə azad şəkildə gəzidiyim zaman bu ruhu daha çox hiss etdim” 

Bizim.Media xəbər verir ki, bu fikirləri “Baykar” şirkətinin texniki direktoru və “Texnofest” İdarə Heyətinin sədri Selçuk Bayraktar “TEKNOFEST Azərbaycan” festivalında çıxışı zamanı səsləndirib.

O qeyd edib ki, universitet tələbəsi olan gənc bir qız həmin ruhu bu cür təsvir edib:

“Dünya türkün gücünü görsün, yerini bilsin. Teknofestin şüarının artıq zehinlərdə özünə yer tapdığını görürəm. Bundan sonra bizim vəzifəmiz türk gəncliyinin yolunu açmaq üçün dayanmadan çalışmaqdır. İnanıram ki, bu festivaldakı yarışmalardan çıxan gənc qardaşlarım bu ruhdan aldıqları güclə irəliləyəcəklər”.

Bizim.Media