“Kökündən yanlış məlumatdır. Bu feyk məlumatları yayanlara ayıb olsun”.
Bunu Bizim.Media-ya açıqlamasında ReAL-ın icra katibi Natiq Cəfərli ictimai xadim Bəxtiyar Hacıyevə qarşı edilən təxribatın Rusiya tərəfindən törədildiyi barədə təşkilatın sədri İlqar Məmmədovun adından verilən açıqlamaya münasibət bildirərkən deyib:
MÖVZU İLƏ BAĞLI:
Milli Məclisdə Bəxtiyar Hacıyev məsələsi MÜZAKİRƏ OLUNDU: “Lazımi tədbirlər görüləcək”
“Təəssüf edirəm. Şüuru və axtarış sistemi olan insanlar mənbəni göstərmədən belə yalan məlumatlar yaymaz”.
Həmsöhbətimizə görə, bu yalan məlumat köhnə müxalifət düşərgəsindən ortaya atılıb:
“Bu yalanı uyduranlar həmişəki kimi ReAL-ı nüfuzdan salmaq məqsədi güdür. Təşkilatımızı əski müxalifət özlərinə ciddi rəqib sayır. Ona görə də əksər hallarda məhz bu düşərgədən belə yalan, uydurma məlumatların yayılmasının şahidi oluruq”.
Rüfət Sultan, Bizim.Media
