Qarabağın statusu əlavə danışıqlar tələb edir - MATVİYENKO 

Rusiya Dağlıq Qarabağın statusunu müəyyənləşdirmək üçün beynəlxalq səylərə ümid bəsləyir. 

Bizim.Media RİA "Novosti"yə istinadən xəbər verir ki, bu barədə cümə axşamı jurnalistlərə Federasiya Şurasının sədri Valentina Matviyenko bildirib.

"Dağlıq Qarabağın statusu üçün əlavə danışıqlar tələb olunur''.

Əlbəttə ki, ATƏT-in, Fransa və ABŞ prezidentlərinin, Dağlıq Qarabağdakı həll prosesində iştirak edən digər dövlətlərin səylərinə ümid edirik. Hələ çox çətin bir iş var, amma əsas şey əldə edildi, həyata keçirildi. Beynəlxalq sənədlərlə Azərbaycana aid olan ərazilər geri qaytarıldı. Rusiya burada həlledici rol oynadı” deyib.

Onun sözlərinə görə, Rusiya tərəfi münaqişənin daha da böyüməsinə və yeni itkilərə imkan verməyib.

"Bu, çox çətin bir razılaşma idi, onu əldə etmək asan olmadı... Bu gün bu razılaşmanı saxlayan, şərtlərinin pozulmasına, silahlı toqquşmalara imkan verməyən, dinc insanların sülh şəraitində yaşamasına töhfə verən münaqişə bölgəsindəki rus sülhməramlılarıdır" bildirib.

Qeyd edək ki, noyabrın 10-da Rusiya, Azərbaycan və Ermənistan liderləri  - Vladimir Putin, İlham Əliyev və Nikol Paşinyan Qarabağda atəşkəsə dair birgə bəyanat qəbul ediblər. 

Azərbaycan Prezidenti isə dəfələrlə öz çıxışında bəyan edib ki, Dağlıq Qarabağın status məsələsi heç vaxt olmayacaq, bu getdi tarixin arxivinə.

Babək Göyüş, Bizim.Media