Məlum olduğu kimi, Dövlət Təhlükəsizliyi Xidməti tərəfindən Azərbaycan Prezidenti İlham Əliyevin ailəsini şantaj edən şəxs - F.S. (şərti ad) saxlanılıb.
Bizim.Media xəbər verir ki, mövzu ilə bağlı İctimai Televiziyanın hazırladığı videomaterialda bir sıra məsələlərə aydınlıq gəlib.
MÖVZU İLƏ BAĞLI:
DTX Prezidentin ailəsini şantaj edən şəxsi SAXLADI - VİDEO
Belə ki, bu ilin əvvəlindən xaricdə yaşayan bloqerlər Mehman və Emin Hüseynovlar, Qabil Məmmədov tərəfindən böhtan xarakterli məlumatlar yaymağa başladıqları vaxt bir nəfər Azərbaycanın yüksək vəzifəli şəxsləri ilə öz sosial media hesabları, elektron poçt və xaricdə qeydiyyata alınmış telefon nömrəsi üzərindən əlaqə saxlamağa çalışıb.
Xarici ölkədə olan bu şəxs həmin adamları guya Alena Əliyevaya məxsus olmasını iddia etdiyi kadrlarla şantaj edib. Bu görüntüləri yaymamağının müqabilində 5 milyon avro tələb edib.
Faktla əlaqədar Dövlət Təhlükəsizliyi Xidmətində Cinayət Məcəlləsinin müvafiq maddəsi üzrə cinayət işi başlanılıb. Əməliyyat nəticəsində bu cinayət əməlini törətməkdə şübhəli bilinən Azərbaycan vətəndaşı F.S. saxlanılıb.
Daha ətraflı videoda:
Bizim.Media
