“Rusiya XİN üçün Azərbaycanda saxlanılan rusiyalıların vətənə qayıtması prioritetdir və bu məsələ rəsmi Bakı ilə əlaqələrdə müzakirə olunur”.
Bizim.Media xəbər verir ki, bunu 2025-ci ildə Rusiya diplomatiyasının fəaliyyətinin yekunları üzrə mətbuat konfransında Rusiyanın Xarici İşlər naziri Sergey Lavrov qeyd edib.
“2025-ci ilin iyunun 30-dan iyulun 1-dək Bakıda saxlanılmış bütün Rusiya vətəndaşlarının tezliklə azad olunması və evə qayıtması bizim şərtsiz prioritetimizdir. Azərbaycan tərəfi ilə əlaqələrdə bu problemin dərhal həll olunmasının zəruriliyini mütəmadi olaraq qaldırırıq”, - deyə Rusiya XİN başçısı bildirib.
Bildirilib ki, Bakı təcridxanasında hələ 11 nəfər qalır və onların azad edilməsi variantları Rusiya hüquq-mühafizə orqanları və digər strukturlarla birlikdə işlənir:
“Biz bu vəziyyəti xüsusi nəzarətdə saxlayırıq. Rusiya səfirliyinin əməkdaşları Azərbaycanda rusiyalıları bir neçə dəfə (2025-ci il, 3 iyul, 14 iyul, 23 iyul və 20 avqust) Bakı istintaq təcridxanasında ziyarət edib və onların yaxınları ilə əlaqəni davam etdirirlər. Növbəti konsulluq girişi vətəndaşlarımıza 2025-ci il dekabrın 30-da təmin olunub”.
Bizim.Media
