“Düşünmürəm ki, Pan Gi Muna yazılan məktub bir nəticə versin.”
Bunu Moderator.az-a açıqlamasında millət vəkili Rasim Musabəyov Azərbaycanın BMT-dəki səlahiyyətli səfiri Aqşin Mehdiyevin ermənilərin atəşkəs rejimini intensiv şəkildə pozması ilə əlaqədar BMT-nin baş katibi Pan Gi Muna yazdığı məktubuna münasibət bildirərkən deyib.
Onun sözlərinə görə, BMT-nin baş katibi ermənilərə yalnız çağırış edə bilər:
“Lakin düşünmürəm ki, ermənilər Pan Gi Munun çağırışına əməl etsinlər. Çünki bu vaxta qədər BMT-nin qəbul etdiyi heç bir qətnaməyə ermənilər əməl etməyib və BMT də bu qətnamələrin icra olunmamasına hələ də göz yumur."
