“Ali Məclisin növbəti sessiyasının vaxtı hələ müəyyən deyil. Bunu Ali Məclisin Rəyasət Heyəti müəyyən edəcək. Rəyasət Heyətinin də toplantısı hələ keçirilməyib. Yaxın vaxtlarda bununla bağlı qərar veriləcək.”
Bunu Moderator.az-a açıqlamasında Azərbaycan Demokrat Partiyasının sədr müavini Taliyət Əliyev bildirdi.
Xatırladaq ki, ADP Ali Məclisinin sədri Vaqif Şirinov bir müddət öncə üzləşdiyi təzyiqlər səbəbindən ölkəni tərk edərək siyasi mühacirətə gedib. Nəticədə onun postu boş qalıb.
