Şərq-Qərb Araşdırmalar Mərkəzinin rəhbəri, politoloq Ərəstun Oruclu Moderator.az saytına açıqlamasında ADP sədri Sərdar Cəlaloğlunun “koalision hökumət” ideyasına münasibət bildirib. Ə.Oruclu ADP sədrinin bu təklifini məqbul, fəqət reallaşması mümkün olmayan ideya kimi dəyərləndirib: “Sərdar Cəlaloğlunun bu təklifi mümkün variantdır. Təbii ki, bu ideyanın baş tutub-tutmayacağı başqa məsələdir. Amma mən bunu realist hesab eləmirəm. Bugünkü hakimiyyət nə üçün koalision hökumət ideyasını dəstəkləməlidir? Bunun üçün səbəb nədir? Ortada bu cür səbəblər yoxdur. Buna görə də bu təklifin qəbul ediləcəyi inandırıcı görünmür”.
Seymur Əliyev
