Artıq prezidentliyə namizədlərin seçki öncəsi keçirdikləri təbliğat-təşviqat kompaniyası başa çatmışdır. Ölkəmizdə seçki təbliğatı üçün bütün namizədlərə bərabər imkanlar yaradılmışdır. Apardığımız müşahidələrə əsasən məlum oldu ki, təbliğat-təşviqat kompaniyası çərçivəsində Yeni Azərbaycan Partiyasının namizədi İlham Əliyevin təbliğat-təşviqat kompaniyası peşəkar və mükəmməl şəkildə həyata keçirildi. İlham Əliyevin siyasi komandası ölkənin bütün regionlarında, şəhərlərdə, qəsəbələrdə və kəndlərdə seçicilərlə görüşlər keçirdilər. Keçirilən görüşlər seçicilərin siyasi aktivliyilə müşaiyət olundu.
Təəssüf ki, bu fikirləri digər namizədlər haqqında, soyləmək mümkün deyil. Prezidentliyə namizədlərdən bəzilərinin epizodik olsa da keçirdikləri görüşlər kifayət qədər siyasi fəallıq şəraitində keçirilmədi. Bu tip görüşlər sönük xarakter daşıdı.
Bəzi namizədlər təbliğat-təşviqat kompaniyasını sivil və qanunvericiliyin tələb etdiyi səviyyədə aparmadılar. “Demokratik Qüvvələrin Milli Şurası”nın Təşəbbüs qrupu tərəfindən prezidentliyə namizədliyi irəli sürülən Cəmil Həsənli keçirdiyi görüşlərdə və teledebatlarda öz platformasını izah etmək əvəzinə, digər prezidentliyə namizəd İlham Əliyevin ünvanına böhtan və təhqiramiz ifadələr işlətdi. Prezidentliyə namizəd Hafiz Hacıyev də teledebatlarda etikadan kənar bir sıra ifadələr və fikirlər səsləndirdi.
Bütövlükdə, seçki kompaniyasının təbliğat-təşviqat mərhələsi beynəlxalq standartlara, Azərbaycan dövlətinin qanunvericilik aktlarının tələblərinə uyğun, qarşıdurma olmadan, sakit atmosferdə başa çatmışdır.
Respublikamız prezident seçkilərinin demokratik, şəffaf və ədalətli keçirilməsinə tam hazırdır.
Moderator.az
