"Azərbaycan Respublikası Konstitusiya Məhkəməsinin qərarına görə, əgər müttəhimə verilən cəza müddəti başa çatıbsa onun həbsdə qalması qanunsuzluqdur. Məhkəmə ya qərar verib Qurban Məmmədovun həbs müddətini uzatmalı, ya da işi ittiham müddəti dövründə yekunlaşdırmalı idi. Lakin biz görürük ki, bunların heç biri baş verməyib və Qurban Məmmədov qanunsuz olaraq həbsdə saxlanılır. Bu gün Qurban bəy faktiki olaraq girovdur."
Bu sözləri Moderator.az-a açıqlamasında tanınmış hüquqşünas Namizəd Səfərov Qurban Məmmədovun qanunsuz olaraq həbsdə saxlanılmasına münasibət bildirərkən deyib.
Qeyd edək ki tanınmış vəkil Qurban Məmmədov Nəsimi rayon məhkəməsinin 4iyun 2013-cü il qərarına əsasən həbs olunub və hal-hazırda Bakı İstibtaq Təcridxanasında saxlanılmaqdadır.
Xatırladaq ki, Qurban Məmmədov qanunsuz olaraq həbsdə saxlanılması ilə bağlı ombudsman Elmira Süleymanovaya müraciət edərək onu təcridxanaya dəvət edib, dərhal azad olunması üçün səlahiyyətlərindən istifadə etməyə çağırıb.
