“Əgər hakimiyyət Milli Şuraya zərbə vurmaq üçün müxalifət daxilində özünün ən önəmli adamlarının maskalarının cırılmasına gedirsə, demək hakimiyyətin vəziyyəti çox ağırdır, bizim bildiyimizdən də ağırdır”.
Moderator.az-ın ANS PRESS-ə istinadən məlumatına görə, bu sözləri Müsavat partiyasının başqanı İsa Qəmbər “Facebook” statusunda yazıb.
Qeyd edək ki, Milli Şurada təmsil olunan siyasi partiyalar arasında gərginlik pik nöqtəyə çatıb. Liberal Partiyası və Müsavat arasında qarşılıqlı ittihamlar başlayıb.
Dünən ALP lideri Lalə Şövkətin mətbuata verdiyi açıqlamalarından sonra İsa Qəmbərin belə bir status paylaşmağı, barəsində səslənən ittihamlara cavabı kimi qiymətləndirmək olar.
