“Elşad Abdullayev Fransaya gedəndən dəli olub”

ABU-nun sabiq rektoru Elşad Abdullayev “Təzadlar” qəzetini qanlı bandanın mətbuat xidməti adlandırıb və qeyd edib ki, bu qəzetdə onunla bağlı yayılan məlumatlar obyektivliyi əks etdirmir. Bununla bağlı Moderator.az saytının sualını cavablandıran “Təzadlar” qəzetinin baş redaktoru Asif Mərzili E.Abdullayevin əqli sağlamlığı ilə bağlı ciddi problemə malik olduğunu qeyd edib: “Fransaya gedəndən E.Abdullayevin başı xaraba olub və “Təzadlar” qəzeti ilə bağlı qeyri-ciddi fikirlər səsləndirir. Hesab edirəm ki, onun əsaslı müalicəyə ehtiyacı var. E.Abdullayev “Təzadlar” hansısa bandanın mətbuat xidməti elan etməklə də yanılır və başını daşa döyür. Biz hər kəsin, o cümlədən də E.Abdullayevin mövqeyini, müsahibəsini dərc etməyə hazırıq. Lakin o, bizə müsahibə vermirsə, bu onun öz problemidir. E.Abdullayevin bizimlə bağlı səsləndirdiyi fikirlər onun xəstə təxəyyülünün məhsuludur və buna əhəmiyyət vermək lazım deyil”.