xa0Türkmənistanda məktəblilərin prezident Qurbanqulu Berdımuhəmmədovun kitablarını almağa məcbur edilməsi haqda xəbərlər yayılıb.xa0
Moderator.az-ın "Azadlıq" radiosunun türkmən redaksiyasına istinadla verdiyi xəbərə görə, ötən həftə Aşqabadda 12, 48, 50, 54 və 160 saylı orta məktəblərinxa0 yaz tətilində olan 10-11-ci sinif şagirdləri məktəbə çağrılıb və onlara təcili olaraqxa0 ölkə başçısının müəllifi olduğu kitablardan almalı olduqları deyilib. Üstəlik, şagirdlər bu kitabları özlərinə yox, məktəbdə təşkil olunan prezident kitabları guşəsinə hədiyyə kimi almalıdırlar. Belə ki, 1 mayda məktəblərdə Türkəmistan prezidentinin kitablarından ibarət daimi sərgi açılacaq.xa0
Sərgidə daimi olaraq nümayiş etdiriləcək kitabları valideynlərin hesabına almaq istəyən məktəb rəhbərliyi jurnalistlərin tələbin onlara konkret kim tərəfindən qoyulması haqda sualına cavab verməyib.xa0
Türkmənistan liderinin hər kitabı 400 türkmən manatıdır, yəni təxminən 115 dollar. Bu isə əksər türkmən ailələri üçün böyük məbləğdir. Buna görə də valideynlər məktəb rəhbərliyinə etiraz ediblər. Bəzi məktəb rəhbərləri məcbur olaraq qərarı yumşaldaraq bir kitabı iki şagirdin almasını tövsiyə ediblər. Tələb 1 maya qədər yerinə yetirilməlidir.xa0
Qeyd edilir ki,xa0 2006-cı ildənxa0 Türkmənistan prezdienti olan Q. Berdımuhəmmədovxa0 guya 54 kitab müəllifidir...
P.S. Yaxşı ki, Azərbaycanda belə şeylər olmur...xa0xa0
Sultan Laçın
