Şahbaz Şərifin ölkəmizə səfəri əməkdaşlığımız üçün nə VƏD EDİR? – Pakistanlı politoloqdan ÖZƏL AÇIQLAMA

Hazırda oxunan: Şahbaz Şərifin ölkəmizə səfəri əməkdaşlığımız üçün nə VƏD EDİR? – Pakistanlı politoloqdan ÖZƏL AÇIQLAMA

236268

“Pakistan Baş nazirinin Bakı səfəri çərçivəsində iki ölkə arasında strateji əlaqələri gücləndirəcək bir sıra Anlaşma Memorandumlarının və müqavilələrin imzalanması gözlənilir. Baş nazir həmçinin bugün  Pakistan-Azərbaycan Biznes Forumunda iştirak edəcək. Burada hər iki ölkənin iş adamları birgə müəssisələr, ticarət və investisiya imkanlarını, xüsusilə də biznesdən-biznesə əməkdaşlığı araşdıracaqlar”.

Bu fikirləri Bizim.Media-ya açıqlamasında Pakistan Gənc Diplomatiya Forumunun təsisçi prezidenti, politoloq Musavar Tanoli deyib.
 

MÖVZU İLƏ BAĞLI:

İlham Əliyevin Şahbaz Şəriflə geniş tərkibdə görüşü KEÇİRİLİB - FOTO


Əməkdaşlığın perspektivləri

Pakistan Baş nazirinin Bakı səfərini şərh edən analitik, Pakistanın Azərbaycanla münasibətlərə xüsusi önəm verdiyini qeyd edib.

“Azərbaycan və Pakistan qarşılıqlı dəyərlər, etimad və ortaq maraqlara əsaslanan uzunmüddətli əlaqələrə malikdir. Bu səfər ikitərəfli münasibətlərin inkişaf etdirilməsi, iqtisadi tərəfdaşlığın gücləndirilməsi və regional əməkdaşlığın artırılmasına dair qarşılıqlı dəstəyi möhkəmləndirir. Bu səfər Pakistan və Azərbaycan arasında iqtisadi əməkdaşlıq və ticarətin, o cümlədən investisiyaların artırılması üçün bir fürsət yaradır. İmzalanan müqavilə və memorandumlar yeni biznes imkanları açaraq Pakistan məhsulları üçün bazarlar və Azərbaycan investisiyaları üçün geniş imkanlar təqdim edəcək”, - deyə M.Tanoli deyib.

Azərbaycan-Pakistan hərbi tərəfdaşlığı

Analitik hesab edir ki, Azərbaycanın enerji sahəsindəki uğurları Pakistanı sevindirir və ölkəsi, Bakının enerji siyasətindən faydalanmaq niyyətindədir:

“Azərbaycanın zəngin enerji ehtiyatlarına sahib olması Pakistana enerji tələbatını ödəməkdə mühüm dəstək göstərə bilər. Danışıqlar zamanı enerji ticarəti, xüsusilə də maye qaz idxalı müzakirə ediləcək ki, bu da Pakistanın enerji sektorunun sabitləşməsinə kömək edə bilər. Azərbaycanla gücləndirilmiş müdafiə əməkdaşlığı ikitərəfli hərbi əlaqələri, birgə təlimləri və müdafiə texnologiyalarının mübadiləsini artıraraq Pakistanın müdafiə sənayesini inkişaf etdirəcək”, - deyə M.Tanoli deyib.


Tehran Orucoğlu, Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin