Rusiyanın Voloqda şəhərində 1,5 yaşlı körpə uşaq bağçasını tərk edib, tərbiyəçilərin isə bundan xəbəri olmayıb.
Müşahidə kamerlarının qeydə aldığı görüntülərdə körpənin uşaq bezində binanı tərk etdiyi və avtomobil yolunda gəzişdiyi əks olunub.
Uşaq yoldan keçən qadının diqqətini cəlb edib və o, yaxınlıqdakı digər bağçaya müraciət edib.xa0
Yalnız əməkdaşların uşağın tərk etdiyi bağçaya zəng etməsindən sonra tərbiyəçilər əl-ayağa düşüblər. Maraqlıdır ki, həmin ana qədər heç kim uşağı axtarmayıb.
Hazırda İstintaq komitəsi və prokurorluq araşdırma aparır. Uşağı gözdən qoyan tərbiyəçi işdən azad edilib.(oxu.az)
