"Son 20 il ərzində Azərbaycanda səkkiz beynəlxalq hava limanı inşa edilib. Onların dördü var idi, amma vəziyyəti qənaətbəxş hesab edilmirdi. Bakı, Naxçıvan, Gəncə və Lənkəran hava limanları yenidən quruldu".
Bizim.Media xəbər verir ki, bunu Prezident İlham Əliyev nəqliyyat məsələlərinə həsr olunmuş müşavirədə deyib.
Onun sözlərinə görə, Lənkəran hava limanı faktiki olaraq istifadə edilmirdi, amma Bakı, Naxçıvan, Gəncə istifadə olunurdu:
"Bu dörd hava limanının həm zolaqları, həm terminal kompleksləri ən müasir standartlara cavab verir. Bununla bərabər, dörd yeni hava limanı inşa edilmişdir - Qəbələ, Zaqatala, Füzuli və Zəngilan. Doqquzuncu beynəlxalq hava limanı bu il Laçında istifadəyə veriləcək".
Prezident qeyd edib ki, bütün bu hava limanları istənilən ağırlıqda yük və sərnişin təyyarələrini qəbul etməyə qadirdir:
"Uçuş-enmə zolağı minimum üç kilometr səviyyəsindədir. Beləliklə, indi dediyim kimi, doqquzuncu bu il istifadəyə veriləcək və bu məsələni də tam bağlayırıq".
Bizim.Media
- A-
- A
- A+
Siyasət
15:48 / 28.01.2025
Laçın beynəlxalq hava limanı bu tarixdə İSTİFADƏYƏ VERİLƏCƏK
Hazırda oxunan: Laçın beynəlxalq hava limanı bu tarixdə İSTİFADƏYƏ VERİLƏCƏK
Hazırda oxunan: Laçın beynəlxalq hava limanı bu tarixdə İSTİFADƏYƏ VERİLƏCƏK
232125
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
