“Ermənistan Avropa İttifaqına üzvlüklə bağlı müraciət etməyib”.
Bu fikirləri Bizim.Media-ya eksklüziv açıqlamasında Avropa Şurası Prezidentinin mətbuat katibi Maria Tomasik bildirib.
MÖVZU İLƏ BAĞLI:
Rusiyadan SONUNCU XƏBƏRDARLIQ – Ermənistan hakimiyyət çevrilişinin ASTANASINDA
Maria Tomasik əlavə edib ki, Ermənistan tərəfindən müraciət ediləcəyi təqdirdə prosesə uyğun işlər aparıla bilər:
“Biz Ermənistanın Avrointeqrasiya prosesi ilə bağlı qanun layihəsindən xəbərdarıq və onu təhlil edib Ermənistan hakimiyyəti ilə müzakirə edəcəyik. Bununla yanaşı, Aİ-nin mükəmməlliyinə geniş dəstək və yaxınlaşmağa imkan verən mövcud Hərtərəfli və Genişləndirilmiş Tərəfdaşlıq Sazişimizin həyata keçirilməsi ilə artıq çoxlu işlər görürük”, - deyə M.Tomasik bildirib.
Xatırladaq ki, Ermənistan hökuməti yanvarın 9-da ölkənin Avropa İttifaqına (Aİ) üzvlüyü prosesinin başlanması ilə bağlı qərar layihəsini təsdiqləyib. Sözügedən layihə Ermənistan parlamentinin müzakirəsinə göndərilib.
Tehran Orucoğlu, Bizim.Media
