“Bu gün Ermənistan Xarici İşlər Nazirliyinin rəhbəri vəzifəsini tutan Ararat Mirzoyan bəyan edib ki, “erməni soyqırımının tanınması məsələsi Ermənistanın xarici siyasətinin gündəliyində prioritet deyil”.
Bizim.Media xəbər verir ki, bu fikirləri "Verelq.am" saytında erməni politoloq Sergey Melkonyan yazıb.
"Nəzərinizə çatdırım ki, onilliklər ərzində Ermənistanın xarici siyasətində prioritet məsələlər "erməni soyqırımı"nın və "Artsax Respublikası"nın (Qarabağdakı sabiq qondarma rejim - red.) tanınması uğrunda mübarizə olub.
İrəvan dövlət və milli kimliyi dağıtmaq üçün Bakı və Ankaranın iki əsas tələbini yerinə yetirdi.
"Artsax"dan və "Soyqırımı"n tanınması uğrunda mübarizədən imtina etdi.
Yeni tarixi yaddaş belə formalaşır. Bu, Ermənistan Respublikasının yaradıldığı respublikadan əks tərəfdə yaradılır. Və keyfiyyətcə yeni mərhələdir.
O zaman Bakı və Ankaranın yeni tələbləri yerinə yetiriləcək: Ermənistan Respublikasının Konstitusiyasının dəyişdirilməsi, atom elektrik stansiyalarının bağlanması, kilsənin və diasporun rolunun zəifləməsi, tarix dərsliklərindəki dəyişikliklər və s.”, deyə o, qeyd edib.
Bizim.Media
