“Qarabağda keçirilən seçkilər bizim üçün təcrübə oldu” – Ukraynalı deputat 

“İşğaldan azad edilmiş ərazilərdə keçirilən seçkilər, azad edəcəyimiz torpaqlarda - Donbas və Kırımda bu cür seçkilərin keçirilməsi üçün bizə təcrübə qazandırdı”.

Bizim.Media xəbər verir ki, bunu Ukrayna parlamentlərarası dostluq qrupunun həmsədri Valeriy Kolyux növbədənkənar Prezident seçkilərinin nəticələrinə dair keçirilən brifinqdə bildirib.  

“Biz Azərbaycanda növbədənkənar prezident seçkilərini müşahidə etmək şərəfinə nail olduq. Hazırki seçkilərin əsas xüsusiyyəti ondan ibarətdir ki, bütün Azərbaycanda, həmçinin Qarabağ və Şərqi Zəngəzurda keçirilib. Seçkilərdə iştirak etmiş hər bir Azərbaycan vətəndaşı ərazi bütövlüyünün bərpa olunmasında iştirak edib. İşğaldan azad edilmiş ərazilərdə keçirilən seçkilər, bizim də azad edəcəyimiz torpaqlarda - Donbas və Kırımda bu cür seçkilərin keçirilməsi təcrübəsini qazandıq. Bütün Azərbaycanı ölkə liderini seçməsi münasibətilə təbrik edirik” - deyə, Valeriy Kolyux bildirib. 

Nuranə Daxilqızı, Bizim.Media