UNICEF-in Ermənistandakı ofisinin rəhbəri təcili ölkəni tərk etdi – Azərbaycana casusluq edib?

UNICEF-in Ermənistandakı ofisinin rəhbəri Marian Klark-Hatting tələsik ölkəni tərk edib.

Bizim.Media xəbər verir ki, bu haqda Ermənistan Xarici İşlər Nazirliyinin mətbuat katibi Anna Naqdalyan çərşənbə axşamı “Sputnik Ermənistan”a bildirib.

Mənbə deyir ki, erməni tərəfi üçün mandatın icrasında çatışmazlıqlar olub.

Buna görə də, Ermənistan hökuməti Klark-Hattingin UNICEF-in Ermənistandakı nümayəndəsi kimi səlahiyyətlərinə xitam verməyə qərar verib.

"Bu qərar barədə BMT-nin Daimi Nümayəndəsi və UNICEF nümayəndələri məlumatlandırılıb". Naqdalyan belə deyib.

Bundan əvvəl Xarici İşlər Nazirliyindəki bir mənbə “Sputnik Ermənistan”a Klark-Hattingin tələsik Ermənistanı tərk etməsi barədə məlumatı təsdiqləyib. Onun sözlərinə görə, tələskənlik Klark-Hattingin vəzifəsindəki bəzi səhvlərdən qaynaqlanır. 

Hansı səhvlərin edildiyi barədə məlumat verilmir.

Bu arada Mediaport Telegram kanalı Klark-Hattingin Azərbaycan və Böyük Britaniyanın xeyrinə casusluqla məşğul olduğunu iddia edir və bu səbəbdən də Ermənistan rəhbərliyi onu persona non-qrata elan edib.

Xatırladaq ki, Marian Klark-Hatting 8 ay əvvəl, 2020-ci ilin iyulunda Ermənistanda işə başlayıb.

Bizim.Media