Prezident İlham Əliyev bunu ABŞ-ın “Fox News” telekanalına müsahibə verib. Bizim.Media xəbər verir ki, dövlət başçımız bir çox məsələlərə aydınlıq gətirib.
Jurnalistin Azərbaycan tərəfindən muzdluların vuruşmasına münasibət bildirən prezident İlham Əliyev bunu daha bir feyk xəbər adlandırıb: “Azərbaycanda Türkiyənin dəstəklədiyi suriyalı silahlıların döyüşməsi daha bir feyk xəbərdir.
Mən təəssüf edirəm ki, Rusiya və Fransa, yeri gəlmişkən, açıq şəkildə buna münasibət bildirən yeganə ölkələr belə məsuliyyətsiz bəyanatlar verdilər. Mən sübutlar, dəlillər tələb etdim və hələ də tələb edirəm.
Müharibə 20 gündən çoxdur ki, yenidən başlayıb, indiyədək nə Rusiya, nə də Fransa tərəfindən bizə heç bir dəlil və ya sübut təqdim olunmayıb”.
Prezident qeyd edib ki, bizim onlara ehtiyacımız yoxdur: Mən elə bu barədə danışıram. Nizami orduda 100 min əsgər, üstəgəl bir neçə gün ərzində biz bəlkə də bundan 3 dəfə çox əsgər cəlb edə bilərik, üstəgəl müasir avadanlıq. Bizim heç bir muzdluya əsla ehtiyacımız yoxdur”.
“Bu, sadəcə, ölkəmizin nüfuzuna xələl gətirmək və döyüş meydanında əsgərlərimizin mərdliyinin əhəmiyyətini azaltmaq məqsədi daşıyan feyk xəbərdir”, - deyə Azərbaycan Prezidenti əlavə edib.
Bizim.Media
