“Ağalı məktəbindəki şagirdlər oranı əvvəllər görməyib”.
Bizim.Media xəbər verir ki, bunu Azərbaycan Prezidenti İlham Əliyev oktyabrın 20-də Cəbrayıl şəhərində Türkiyə Prezidenti Rəcəb Tayyib Ərdoğanla mətbuata birgə bəyanatlarla çıxışı zamanı deyib.
Dünən Ağalı kəndinə, oradakı məktəbə getdiyini bildirən Azərbaycan Prezidenti deyib ki, məktəbdə oxuyan 70 uşağın heç biri buranı görməyib:
MÖVZU İLƏ BAĞLI:
“Əslində Cəbrayıl yoxdur, geriyə sadəcə dağıntılar qalıb” – Prezident erməni vandalizmindən DANIŞIB
“Hətta onların valideynlərinin də bir çoxu işğal dövründə doğulub, bir çoxları işğal baş verəndə özləri uşaq idi. Amma onlar qayıdıblar. Çünki torpaq çəkir, Vətən çəkir və hamımız qayıdacağıq. Bütün keçmiş məcburi köçkünlər qayıdacaq və biz onların qayıdışı üçün əlimizdən gələni edirik, gecə-gündüz çalışırıq və bu quruculuq-bərpa işlərində türkiyəli qardaşlarımız bizimlə bir yerdədir”.
Bizim.Media
