“GeoProMining” şirkətinin sahibi, iş adamı Roman Trotsenko Kəlbəcərdə yerləşən Zod qızıl mədəninin fəaliyyətini davam etdirdiyini bildirib.
Bizim.Media “Sputnik Armenia”ya istinadən xəbər verir ki, bu barədə iş adamı jurnalistlərə açıqlamasında deyib.
MÖVZU İLƏ BAĞLI:
Zəngilan və Kəlbəcərin qızıl yataqlarında qazıntı aparılacaq
O, ancaq mədənin loqistika sxemini dəyişdiyini qeyd edib.
"Zod qızıl mədəni fəaliyyətini davam etdirir. Sadəcə, nəqliyyatın logistik sxemini dəyişdirməli olduq, biz istehsal planını icra edirik, bu ilin uğurlu olacağına inanırıq”, - deyə biznesmen vurğulayıb.
Xatırladaq ki, 10 noyabr üçtərəfli bəyanatın imzalanması nəticəsində erməni seperatçıları Kəlbəcəri boşaldıblar.
Nəticədə 30 ilə yaxın qanunsuz istismar edilən Zod qızıl yatağının 80 % hissəsi Azərbaycanın ərazi payına düşüb. Mədənin yalnız 20% Ermənistan ərazisindədir.
Vüsalə Balayeva, Bizim.Media
