Canlı yayımda “Qarabağ” futbol klubunu Ermənistan komandası adlandıran Türkiyəli idman jurnalisti, "Sabah" qəzetinin köşə yazarı Gürcan Bilgiç etdiyi səhvə görə üzr istəyib.
Bizim.Media xəbər verir ki, o bu barədə “Twitter” hesabında yazıb.
“Sevgili qardaşlarım. Qəzəbinizi anlayıram. Canınız sağ olsun. Gecə 01:30-da, günün yorğunluğu səbəbilə çaşdım. Qarabağ - Qaradağ deyərkən qarışdırdım. İncitdimsə, üzr istəyirəm. Haqqınızı halal edin” – deyə Bilgiç paylaşımda qeyd edib.
MÖVZU İLƏ BAĞLI:
Türkiyəli idman yazarından SƏHV - "Qarabağ" Ermənistan komandası deyilmi?” - VİDEO
Məlumat üçün bildirək ki, Bilgiç "A Spor" telekanalında yayımlanan "Son Sayfa" verilişində "Qarabağ"ı Ermənistan komandası kimi təqdim edib.
O, “Fənərbağça"nın qrup mərhələsindəki potensial rəqiblərini dəyərləndirərkən, "Qarabağ" Ermənistan komandası deyilmi" söyləyərək, yanlışlığa yol verib.
Bizim.Media
