Türkiyəli iş adamları Reebok şəbəkəsinin Rusiyadakı biznesini aldılar

Rusiyada fəaliyyətini dayandırdığını elan edən Reebok idman malları şəbəkəsinin Rusiya bölməsi, xüsusilə U.S. Polo Assn., Lumberjack və Reno brendləri Türkiyənin FLO Retailing holdinqinə verilib.

Bizim.Media xəbər verir ki, bu haqda informasiyanı "Kommersant" qəzeti yazıb.

Nəşrin məlumatına görə, ekspertlər 100-dən çox brend mağazanın dəyərini təxminən 1,5 milyard rubl qiymətləndirirlər, lakin onlar tranzaksiya məbləğinin üç dəfə az olduğunu etiraf edirlər.
Qeyd olunur ki, hazırda xarici şirkətlər üçün Rusiyada biznesini satmaq çətindir. Bu arada, FLO Reebok satış nöqtələrinə nəzarəti də ələ keçirib. Şərt kimi isə bu marka altında bir sıra ölkələr üçün məhsulların Türkiyə fabriklərində buraxılması qoyulub. 

Mənbə bildirib ki, yeni sahibi Reebok brendini saxlamaqla mağazaların adlarını dəyişmək niyyətindədir.

Tanınmış dünya brendlərinin istehsalçıları da daxil olmaqla, yüzlərlə xarici firma artıq Ukraynadakı müharibəyə cavab olaraq Rusiya bazarından müvəqqəti və ya tamamilə çıxdığını (istehsalın dayandırılması, Rusiya Federasiyasında investisiyaların və ya fəaliyyətlərin dayandırılması) elan edib. 

Bizim.Media